Austrlia te'n Malaysia pan Refugee mi 5000 la ding

Kum li chhungin Australia sawrkar dinglai chuan Malaysia atang refugee mi sang nga lak luh an tum thu Prime Minister Julia Gillard chuan May 7, 2011 khan a puang a. He an thil tum hi tunah Malaysia sawrkar nen an inbiak mek thu leh kar leh lam khi chuan lehkha ziak nen meuh va nem ngheh a nih tawh tur thu pi Prime Minister hian a sawi.

Tun hma chuan tuipui atanga Australia rawn lut refugee lawng tam tak chu Christmas island-a tanin lamah thawn thin an ni a,(Chrismas island) Christmas island-ah hian an thuhla ngaihtuah fel a nih hnuah Australia ram chhung (main land)ah an la lut thin. Tun tum thil hi refugee lawng tih rem beisei vanga rel an ni a. Tuifinriat atanga refugee rawn lut mi 800 chu Australia khawmual (Christmas island)ah la lut tawh lovin Malaysia-ah thawn an ni ang a; chu mi chhan let nan chuan Australia sawrkar chuan Malaysia atanga refugee dik tak mi 4000 a la thung dawn a ni.


He project tan hian $ 292 million hmang tura an inpeih thu sumkawltu Mr Bowen chuan a sawi bawk.

Australia sawrkar chuan 2010 - 2011 tana Humanitarian  visa pe chhuak tura a duan lawk sa chu 13750 a ni a, visa 6000 chu refugee te chanpual niin adang 7750 erawh chu humanitarian visa dang tan a ni thung.