လေယာဉ် ပျက်ကျမှုကြောင့် လူ ၄၄ဦး သေဆုံးကြောင်း ရုရှားပြော

ဘီဆိုဗက်။     ။ ရုရှားနိုင်ငံမြောက်ပိုင်းရှိ လေယာဉ်ကွင်း တစ်ခုမှ မြူဆိုင်းနေစဉ် ဆင်းသက်ရန် ကြိုးစားသည့် လေယာဉ်တစ်စင်းမှာ ရုတ်တရက် မီးလောင်ပျက်ကျ ခဲ့သဖြင့် အနည်းဆုံး လူ ၄၄ ဦးသေဆုံးပြီး ရှစ်ဦးမှာ ဒဏ်ရာရရှိခဲ့ကြောင်း အရေးပေါ်လုပ်ငန်း ဝန်ကြီးဌာနမှ ပြောရေးဆိုခွင့်ရှိသူက ပြောကြားလိုက်သည်။

Tupolev -134 အမည်ရ ယင်းလေယာဉ်မှာ စုစုပေါင်း လူ ၅၂ ဦးကို သယ်ဆောင်လာ ခြင်းဖြစ်ပြီး Besovets လေယာဉ်ကွင်း လေယာဉ်ပြေးလမ်းနှင့် အနည်းငယ်ကွာဝေးသည့် လမ်းမတစ်ခုအနီးတွင် ဒေသစံတော်ချိန် တနင်္လာနေ့  ည ၇ နာရီ မိနစ် ၄၀ ၌ ပျက်ကျခဲ့ခြင်း ဖြစ်ကြောင်း ပြောသည်။

ယခုပျက်ကျသည့် အထဲတွင် ကလေးငယ်များလည်း ပါဝင်ပြီး ကျန်းမာရေး ဝန်ထမ်းများ၏ အပြောအရ ယင်းကလေးငယ်မှာ ဒဏ်ရာ ပြင်းထန်လျက်ရှိကြောင်း ပြောသည်။ အဆိုပါ လေယာဉ်ပျက်ကျမှုမှာ ရုရှား လေယာဉ်သမိုင်းတွင် ပြင်းထန်သည့် လေယာဉ် ပျက်ကျမှုများ၌ ပါဝင်ကြောင်းသိရကာ လွန်ခဲ့သော ၂၀၁၀ ခုနှစ်က ပျက်ကျခဲ့သည့် ပိုလန် သမ္မတ စီးနင်းခဲသည့် လေယာဉ် အမျိုးအစားနှင့် အတူတူပင် ဖြစ်သည်။ လေယာဉ်၏ သေတ္တာနက်ခေါ်ပျံသန်းမှု မှတ်တမ်းကို ရှာတွေ့ထားပြီး မည်သည့် အကြောင်းကြောင့် ပျက်ကျခဲ့ရသည်ကို စုံစမ်းသွားမည် ဖြစ်သည်။

source: reuters/mrtv-4

ဖူကူရှီးမား လျှပ်စစ်စက်ရုံ၏ ဒုတိယ ဓါတ်ပေါင်းဖိုအား ဖွင့်မည်ဟု TEPCO ပြော

တိုကျို။    ။ တိုကျို လျှပ်စစ်စွမ်းအင် ကုမ္ပဏီ (TEPCO) ၏ ဒုတိယမြောက် ဓါတ်ပေါင်းဖိုအား ပထမဆုံးအကြိမ်အဖြစ်  ဖွင့်လှစ်တော့မည် ဖြစ်ကာ ပြင်ဆင်မည့် အဖွဲ့များကို စေလွှတ်တော့မည် ဖြစ်သည်ဟု တနင်္ဂနွေနေ့က ပြောကြားလိုက်သည်။ ဖူကူရှီးမား ဓါတ်ပေါင်းဖိုအတွင်း စုစုပေါင်း ဓါတ်ပြုဖို့ ၆ ခုရှိရာ နံပါတ် ၁ မှနံပါတ် ၄ အထိ ဓါတ်ပေါင်းဖိုများမှာ ၉.၈ အင်အားရှိ ငလျင်ကြောင့် ဖြစ်ပေါ်လာသည့် ရေလှိုင်းများ ရိုက်ခတ်ခံရသဖြင့် ဆိုးဆိုးဝါးဝါး ပျက်စီးခဲ့ပြီး ယခုလို အခြေအနေ ရောက်ခဲ့ရခြင်း ဖြစ်သည်။

Junichi Matsumoto ခေါ် TEPCO၏ နျူကလီးယား အရာရှိ၏ အပြောအရ ယခုဖွင့်လှစ်မည့် နံပတ်၂ ဓါတ်ပေါင်းဖိုအား တနင်္ဂနွေနေ့ ညနေပိုင်းတွင် ဖြေးဖြေးချင်း ဖွင့်လှစ်မည်ဖြစ်ပြီး ယင်းအဆောက်အအုံထဲရှိ အဆိပ်သင့် ဖုန်မှုန့်များ ပတ်ဝန်းကျင်သို့ မပြန့်နှံ့ စေရန်အတွက် ကြိုးစားသွားမည် ဖြစ်ကာ အလုပ်သမားများ အနေဖြင့် ယင်းအထဲမှ စက်ပစ္စည်းများနှင့် အခြား အရာများကို ဓါတ်ရောင်ခြည် သင့်မှုမည်မျှရှိနေသည်ကို သိရှိရန် တိုင်းတာမည်ဖြစ်ကာ ယင်းပတ်ဝန်းကျင်တွင် ပေါက်ကွဲမှု မဖြစ်ပွားစေရန် နိုက်ထရိုဂျင် ဓါတ်ငွေ့များ ထည့်သွင်း သွားမည်ဖြစ်ကြောင်း ပြောကြားခဲ့သည်။

ယခု ဓါတ်ပေါင်းဖိုထဲသို့ ရေတန်ချိန် တစ်သိန်းကျော် လောင်းထည့်ခဲ့သဖြင့် ယင်းရေများမှ အချို့မှာ ပင်လယ်ထဲသို့ စီးဝင်ခဲ့ရသည်။ ယခုလို ဖြစ်ပွားမှုမှာ ချာနိုဘိုင်း စက်ရုံအပြီးတွင် ဒုတိယမြောက် ကပ်ဆိုးတစ်ခုဖြစ်ပြီး ဂျပန်တို့ အနေဖြင့် အကောင်းဆုံး လွန်မြောက်နိုင်ရန် ကြိုးပမ်းလျက်ရှိသည်။


source: euronews/mrtv-4

ပထမဆုံး အကြိမ်အဖြစ် ဂေး အခွင့်အရေးများကို UN ကြေငြာ

ဂနီဗာ ။    ။ ကုလသမ္မဂ္ဂ အနေဖြင့် ပထမဆုံး အကြိမ်အဖြစ် လိင်တူ လက်ထပ်သူများ၊ လိင်ပြောင်း ထားသူများနှင့် မိန်းမလျှာများ အရေးနှင့် ပတ်သက်ပြီး အသိအမှတ် ပြုလိုက်ပြီ ဖြစ်ကြောင်း သောကြာနေ့က ပြောကြား လိုက်သည်။

အမေရိကန်နှင့် အခြားနိုင်ငံများ၏ ထောက်ခံမှုများမှာ အာဖရိကနှင့် အခြားမူဆလင် နိုင်ငံများ၏ ကန့်ကွက်မှုများထက် ပိုမိုအားကောင်း ခဲ့သဖြင့် ယခုလို အသိအမှတ် ပြုလိုက်ခြင်းလည်း ဖြစ်သည်။ လိင်တူလိင်ကွဲ နေထိုင်မှုများနှင့် မိန်းမလျှာများမှာ ဖိနှိပ်ခံ အခြေအနေများကို ခံစားနေရပြီး ယခုလို သတ်မှတ်ခြင်းမှ တစ်ဆင့် ၎င်းတို့ အနေဖြင့် သာမန် လူများကဲ့သို့ အခွင့်အရေးများ ခံစားစေနိုင်ရန် ဖြစ်ကြောင်း UN မှပြောသည်။

ယခုလို ဆုံးဖြတ်ချက် ချနိုင်စေရန် အတွက် ဂျနီဗာတွင် ပြုလုပ်သည့် ကုလသမ္မဂ္ဂ လူ့အခွင့်အရေး ကောင်စီတွင် အချေအတင် အငြင်းပွားမှုများ များစွာ ဖြစ်ပွားခဲ့ရပြီး နိုင်ငံတကာမှ ဆန္ဒမဲအဖြစ် ထောက်ခံမဲ ၃၂ မဲနှင့် ကန့်ကွက်မဲ ၁၉ မဲတို့ ဖြင့် ဆုံးဖြတ်လိုက်နိုင် ခြင်းဖြစ်သည်။ယခုလို သတ်မှတ် လိုက်ခြင်းမှ တစ်ဆင့် သမိုင်းဝင် လှုပ်ရှားမှု တစ်ခုဖြစ်လာမည် ဖြစ်ပြီး လူ့အခွင့်အရေး ပိတ်ပင်မှုများနှင့် ချိုးဖောက်မှုများကို ပြေပျောက် စေမည် ဖြစ်ကြောင်း ကုလရှိတာဝန်ရှိသူများက ယုံကြည်ကြသည်။

source: ap/mrtv-4