"MUALTUNG PASIAN MAW, ZANGLEI PASIAN?" - by Rev. Dr. S. Pau Khan En
Lasiam Steven Vocal Band te leh ETC Trio te in hong awih ziahziah khit uh ciangin mipi lah kitai, tha lah kingah, hun lah hong bei hanhan ahih manin thugen ding Siapa bang a kimangngilh dektak liang tawh kibang hi. A nop vive leitungah kizom diudeu leh tu nitak banga kikhop nuam om mun mahmah khollo ahih ciangin a tawptan cih om ngei kei leh a nuam mahmah ding hi.
Family Gospel pan la hoih ka sak mahmah VONDEIH cih la phuakpa, Pa Kam, Sezang khua suak pen ka mit tang mahmah tawh ka muhcilna ahih manin hampha ka kisa a, Pasian in hih theihloh a neilo ahih lam ka phawk hi. Sangi te unau in Lamka Local ZOMI TV channel HORNBILL CHANNEL ah hih a nuaia la hong sak zel uh ka mitkha ah ka mu a, Shillong ah ka tute nungak ciil in Naupangte Ni (Childrens Day) ah a sak zel uh ka phawk hi.
Vondeih ka etcimloh bawino,
Sianmang siamin kumsawt gua bangin hingin
Na tuunnu leh zuapa hong hilhna mang zel in
Damlai hun nunnuam in hong mang zel aw....
ciin laphualsim Pa Kap in a tate a thupha piak pen tuni in Tuipi gal ah Topa in vanleng tawh puak lenglengin gam minthang Singapore, Malaysia khawng tungsak ziahziah hi. "Topa hoihna thei unla, hoih hi ciin thei un. Topa a bel mite mi lungdam ahi hi (Late 34:7-8) khawng kua phawkloh in keima om mun ah ka ngaihsunsun hi.
Maryland Pu Vumson naupa Pa Ngocinthawng te inn pan Washington DC khuapi sung lam zuana ka nau Singpi tawh a ma Toyota Car tawh zingsang ni suak silsial a ka tai uh a, aman Malaysia pan lawmte hong khak Steven Vocal Band te in Khui...
Na khempeuh hoih, Na khempeuh kilawm,
A vekpi in To Zeisu sungah
Na khempeuh hoih...
cih late ka ngaih hit hiat lai khawng uh ka phawk valval hi. Topa hoih hi, Topa lian hi cih laphuakpa in a laphuak pen Zomi te ading hi takpi si e cih khawng ka lungsim ah hong suak valval hi. Lasiam te lasak i ngaih khak ciang, tampi gen ding omlo - - hampha hang!
Zing ciang hih Zomi lasiam Steven Vocal Band te leh ETC Trio te Singapore pan Malaysia zuan in pai phei ding uh ahih manin Malaysia ah om Zomi te hampha kasa hi. Amau bek hilo in Pasian nasem Siate zong ahih manin hamphatna, Topa hong kepna pen a kicing kawikawi hi, ka ci hi.
Khangnote in thalaknopna lungsim a neih uh leh kum 77 a pha khin Sia Rev. S. Khup Cin Pau tung pan sin ding tampi om hiin ka ngaihsun hi. Tutung pen Siapa khattang lasak ka 2vei ka zakna hita hi. Elim Church ah Sianu Esther Ciin pawlpi kum 13 cinna hun ah zong Solo sa a, sianggen mahmah leng, lamdang kasa hi. Kum tawm nawnlo cih kithei a (tua hun in a kum 77 a phak lam ka thei naikei hi), tua bang pipi in Pasian itna leh zahtakna tawh la hoihtak hong sa hiauhiau cih pen etteh ding a kisam den ei khangnote in ettehpha hiin ka ngaihsun hi. Tu nitak a lasak pen, ama gen mah bangin, "a haksa mahmah la khat, kum 40 paisa hun a Rev. Smith Ngulh Za Thawng in a copy a piak, a kisinsin, tu nitak hongsak pan ahi hi. Ama genna ah hihla pen hoih a sa bek hilo in, "baihlo" ahih manin khangnote in "a haksa zong kisin peuh leng kiphulzo hi, kizo hi, kisiam hi," cih a lahna zong hipah hi. Topa phatna ding la kum 40 a kisin kisa ka khatvei zakna hi dingin ka um hi. Topa in kum 77 a phak hang zong Amah phatna lasak a cimtaak nai vetlo siapa thupha hong pia in a khan kumte hong sausak ta hen. We are proud of you siapa.
Leitungbup ah a minthang vangvang vive i sia tampi lak ah tu nitak in Sia Rev. Do Suan Mung, Sia Rev. Gin Khan Khual, Sia Rev. Chin Do Kham leh thugenpa Sia Rev. S. Pau Khan En te in thu tomkim a gente uh thupi mahmah hi. College leh University kah laia Debate, Extempore Speech cihte i kidemdem te pen a kizatna mun hih bangte hi maw ka ci hi. Kuamah thu sau gen lah omlo, a tomlua gen zong omlo, minute 3 a kipia ciang tawh a kilawm khop ciat mah gen uh ahih manin leitung kiuli ah i Zomi Pasian nasem Siate pen mite in hong thupisim sak ding himah ei, ki ne-daa kei ei, ki maimai kei ei, kiphatsakna hilo in kiniam tuan peuhmah kei ei, cih ka phawk velval hi. Topa pha in i Siate hong lapsang sak zel henla, thupha hong piaksak in Ama gam zaina ding leh ama piansak Zomi te hong lamsang mite hong hisak semsemta hen cih ka lungsim thungetna ahi hi.
Khangno Lapawl sate a tamzaw Singapore ah sangkah, nasem, mailam limci lihliah vive hi cih ka muh ciang Topa in Zomi te hong nusia hetlo hilo hiam ka ci hi. En taisan kei peuh leng i biak Pasian pen hong taisan cih thadah i ngetloh nangawn thupha ciin hong piak behlaplap denpa ahih lam hong phawksak hi.
Guai, i Pasian pen belhtak, muantak, biaktak lua zen hiveh aw, .... lungdam si ung Topa!
"MUALTUNG PASIAN MAW, ZANGLEI PASIAN?" cih tawh mipite tha hong pia Siapa Rev. S. Pau Khan En tungah lungdamna lian mahmah hi. Kumlui ka muh ciil lai sangin a tha hong dimzaw, a sam hong vom kikeuh ahih manin hong khangno suahzaw hi.
A sermon pen tu laitak Cell Group meeting ah ka lim sin mahmah uh ahi Israel leh Syria mite kidona thu ahi hi. Pasian minam teel Israel te Pasian in a gup dan, Pasian in ama lam ah apangte peuhmah a gup tinten dan khawng ka sin zelte uh hong phawksak mahmah hi.
Tu nitak in Siapa in Kumpi Masa Alian 20, Aneu 23 pan 28 dong hong sim a, "Mualtungah a teeng Zomi te zong Pasian minam teel Israel te mah bangin Topa thupha ngahte ihi hi" cih limtak hong telsak sinsen hi. Sangsia Siapi zong a hikhin lua Siapa thugen pen a zaknop a, a thu telnop in, a gennoop kitel pahpah hi. Hizaha kician a thugen siam Siapa thugen tkeploh dingin pammaih sa lua ka hih manin kong pulak kik hi. A kicingin Online ah kingai thei ahih manin tua ah ngai ni.
1 Kumpi 20:23-28 Tua ciangin Syria kumpipa' nasemte in ama kiangah, "Amaute' pasian-te pen mualtung pasian-te hi a, tua ahih ciangin eite sangin amaute hatzaw uh hi. Ahih hangin zanglei-ah amaute do lehang amaute sangin eite i hatzaw taktak ding hi. Hih bangin hih in: Kumpite ama pan'mun ciat panin khinkhia in la, amaute' munah galkapmangte koih in......... Tua ciangin Pasian' mi khat a nai-ah hong pai-in Israel kumpipa kiangah, " Topa in hih bangin ci hi: 'Syria-te in, " Topa pen mualtung pasian hi a, amah pen kuamsung pasian hilo hi," ci uh ahih manin hih a lian mihonpi khempeuh nangma khutsungah kong pia ding a, keimah, Topa ka hihna na thei ding hi,' ci hi," a ci hi.
Pasian in nasep thupi a sep ding simin mualtung na zang hi. Leitung mite hong gup dingin zong Calvary mualtungah hong si hi. Thugenna a neih dingin zong Mualtung ah na kahto hi. Moses tungah thukham sawm a piak in zong Sinai mual tungah na pia hi. Tuni in mualtung ah a teeng ei Zomi te zong Israel mite bangin thupha sang, Topa ompih, Topa kep, Topa laptohte i hi hi. I kiphatsak ding hi hetlo, i kisialh ding hi hetlo hi. I pilna, i siamna, i neih leh lamte Topa hong piak vive hi. Tua Topa hong piak mangngilhlo in i minam sungah sep theih, huh theih, hih theih i neih leh ei zong a sem ding, a kuankhia dingte i hi hi....
Siapa pattahna nuai ah a khangkhia sangnaupangte, pilna sinte hampha si uh ei ka ci hi. Pasian thupha nuai ah a nungta Zomi te nakpi takin i hamphatzia hong phawksak ka sa hi.
Thukhupna:
Upa te in "Miksi zong kim citciat lubawk kiguan" a cih bangin a sem vive, a mabung vive himah leh Pa Pau Khat Suan makai semsak in, ama vaisaina, a mikang pau in ama Convener sepna nuai ah hih bang kikhopna hunpha hong kibawl pen a siim kha khempeuh hamphatna hi ciin ka ngaihsun hi. A sem a gim taktak lak ah min ngahlo, phatna ngahlo, pahtawi ngahlo tampi om theih hi. Tuate khempeuh Topa in thei a, Topa in amau mun ciat ah thupha hong piaksak ding hi.
Nungak banga hoih zilzial a sumpi dongte thu i gen man kei dinga, video leh photography siamtak, hoihtak a zaihte thu zong i gen man nawn kei ding hi. Zolai simloh a sawtpianta hi cihte zong i gen man nawn kei dinga, 'Kim' cih min a hoihzia zong i gen man nawn kei ding hi.
Zomi te in 'Kawllukhu' nuai ah guahzu i thuak den thute pawl zong i gelh man kei dinga, zingciang All Chin te in lakah bawhlung suih ding thute zong a gen mannawnlo ki hiphot hi.
Kum 87 a pha hong kikhop thu leh US pan ka bawhlung suihpih luite pa hong zin thu, India Lamka pan Singapore ah Nurse sem nungak melhoih te thu, zingciang nai 11:00 A.M. hong tun ding a ngaklah mahmah mopawi ding thute i gen man nawn kei mai ding hi.
Topa in i vekpi in thupha hong pia kim ciat ta hen.
Genkhialh a om leh Topa min tawh hong maisak un. Lungdam.
Topa thupha.
Hau Za Cin
Phuitong Liim
kitelkhia hi. Hihbangin akitelkhiat theihnading in Harris Interactive te'n mi 30,000 valkiangah US gam aa akitheipen company 60 ongtelkhia un ci'n anget uh ahihi. Tua atelkhiat te uhpan "Financial Performance, Emotional Appearance, Social Responsibility, Leadership, etc..." cihbang atuamtuam nam 20 tungah ki nga in atelkhiat uh ahihi.
hunpen 1000GMT hun ahih manin, US gam adingin zingsangtung khuavakma tawh kituak a, tuazong alunglut te'n thobaih seisai-in enveve uhhi. Mi tammahmah ihsak hangin ataktakin 1997 kumin Prince William ii nu ahi Princess Diana asihlai-in aki ensang tawmzawtham hi ci'n Nielsen Ratings Data te'n genkhia hi.
hi cih thu May 1, 2011 (nipini) ni zan (Kawlgam hun May 2, 2011 zingsang) US Kumpi Barack Obama in tangkona nei hi.
Thukikupna teng amankhit ciangin Bishop Felix Lian Khen pen zanni May 01, 2011 ni-in Singapore pan Kawlgam zuankik pahhi. Pawlpi sungah vaithupi tuamtuam om ahih manin, tuni-in Yangon pan Kawlpi ah ciahtosuak pahding cihi.
