Pu Thual Zen hi ei.

"U Nu in 1961 kum, Falam ah akibawl Zomi Nam Ni ah akah laitak akila Photo ahihi. Taangthu akin, adeihte ading in kongkhak khia hi. Bo Kamno"

Bo Kamno in theihhuai thutuamtuam banah, tuhunin akimu pakpak loding amanpha mahmah Photo tuamtuam zong nongkhakkhiat zelmanin lungdam mahmah hang.


Source : Zomi Daily

Rev. Dr. Do Kham thugen, 04/09/11

04/09/11 Saturday, nitak ZLCF ah Rev. Dr. Do Kham thugen,  pawlkhat:- 

  1. Na sih khit ciang hong kikoici phawk ding na ut hiam?

  2. Na lawhcin semsem leh hong kido semsem ding hi.

  3. Khantoh a sawmte khangto takpi hi.

  4. Mihing i kisiat ma-in kiphatsakna hong pai masa den hi.

  5. Bangzah sem cih sangin bangzahin lawhcing cih thupi zaw hi.

  6. Pasian hihtheihna sungah na kiphuum nak leh Ama'n hong puah toto ding hi.

  7. Tu a na dinna pen lam tawpna hilo a, zingciangin nang ading ni hong suak lai ding hi.

  8. Midangte'n sum $100 hong pia leh tawm kisa a, en' mi a piakhia ding hileng tam kisa mahmah hi.

  9. Mi'n hong phat manin kihoih tuanlo a, hong kisiat muhna tawh zong kisia tuan samlo hi.

10. Mihingte pen midangte muhna ding bekin kinungta den hi.

11.Na hihna kimaizumpih ke'nla, ki-angtanpih zaw in, na khangto zaw ding hi.

12. Nang le nang na hihna kisang phot lecin, midangte'n zong nang hong sang ding hi.

13. I mel pen kikhel thei lo a, a hih hangin i mai puak pen kikhel thei hi.

14. Pasian in i hihlohna hong kalhlo a, hong sawllohna zong lamen ngeilo hi.

15. Leitungah lametna tawh nungtate mihampha a hi hi.

16. Thupha ngahpa sang thupha bawlpa manpha zaw hi.

17. Ka nuntakna ah ka lawhcinpen ding ni pen ka mailamah om lai hi.

Source: Tongsan