Theihtel ing Thu 12

Eite pen Pasian’ hong piansak, Pasian adingin a piang ih hi aa, tuathu ih theihtel mateng nuntakna in a khiatna nei ngeilo ding hi. Nuntakna in khiatna neihding na deihleh limpha takin anuai aa te na ngaihsun pha mahmah in la, Lai Siangtho tawh na simtuah in.

1.       Pasian khat bek om, ( Deut 4:35, 6:4-6, 32:39, Isai 44:6, 45:5-6)

2.      Pasian mibangin hong pai, ( Isai 35:4-6; 9:6; 7:14; matt 1:23; Col 1:15,16; Jn 1:14)

3.      Pasianin Jesu Khris hi, ( Jn 20:28-29; Rom 9:6; Icor 8:6, IJn 5:20)

4.      Hong gumding Mihing bangin hong suak, (Jn 12:47-48; 18:37; 8:23-24; Phil 2:6-7; ITim 1:15)

5.      Tawntung Pa zong hi, (Isai 9:6; Jn 14:8-9)

6.      Hong suahciang Tapa kici aa, amin Jesu kiphuak, ( Mt 1:21-25; Lk 1:30-34)

7.      Josept tapa kici lo, Pasian Tapa kici zaw, ( Lk 1:31-35; Jn 1:30-34)

8.     Jesu Khris in in keima mawhna tangin singlamteh tungah si-in, ki vui-in, thokik hi cih upna, ( I Cor 15:1-3)

9.      Mimawh ih hihlam ki thei a, mawhna kisikkik ding kisam, ( Matt 4:17; Lk 24:47; Acts 2:38; 3:20; 26:20)

10.  Jesu Khris Kha Siangtho neihloh phamawh, ( Jn 3:3-5: 16:13-14; 2:22; Acts 1:5; Rom 8:9)

11.   Jesu Khris mintawh Tuiphumloh theiloh, ( Acts 2: 38-41; 8:12-17; 10:44-48; 19:1-6; Eph 4:5)

12.   A siangtho nuntakna tawh nuntak ding kisam, ( ITet 4:7: Heb 12:14; IPet 1:15-16; IJn 3:3 )

I teenna buk ahi, Leitunga ih pumpi, a kisiat ciangin Pasian in ih teenna ding inn khat vantungah na koih dinga, tuapen amahmah bawl a tawntung kimang ding inn ahihi. Inn nuam ah na lut theihna dingin a tunga teng theihtel ding thupi hi.

Thawn Tuang
Zomi Angvaan