Pakistan ah Politics thil a buaina ah mi 29 thi

Pakistan khawpui pakhat, Karachi-a politics thila buaina chhuakah mi 29 an thi tawh a, mi dang 30 vel an hliam. Pakistan-a party lian tak tak 3 – Pakistan People’s Party (PPP), Awami National Party (ANP) leh Muttahida Quami Movement (MQM) zawmtute inkara buaina chhuak thin avang hian kumin chhung ringawt pawh hian mi 1,100 vel an thi tawh a, tun kar Thawhlehni atang khan party inkara buaina chhuak hi a punlun leh hnuah Thawhlehni khan mi 21 chu Karachi-ah hian kah hlum an ni a, khawpui chhung hmun hrang hrangah nimin khan ruang 8 chhar leh a ni. Hetianga party inkara buainaah hian misual pawl leh hel bakah mi firfiakte pawh an inrawlh nia hriat a nih avangin, mi maktaduai 15 vel chenna Karachi khawpui hi a ralmuang lo hle a ni.


Src  : Zonet

Malaysia ah Misual in Zirlai 30 a hreng

Malaysia ram chhim lam, Johor state-ah mi pakhat, hriamhrei kengin naupang, kindergarten zirlai 30 leh an zirtirtu a hreng a, vawiin tlai khan heng naupang-te leh an zirtirtu hi chhanchhuah an ni. Muar khuaa sikul pakhata luta heng mite hrengtu misual hian tuboh leh chemte kengin heng naupangte hi a vau bet a,  a mi hrente hi sikul building chhawng chung bera a hruai chhoh hnuah, naupang chhanchhuah tuma amah dawrtute hmaah naupangte chu thah-ah a vau a, Police hotu, Mohammad Nasir Ramli chuan he misual hian silai pek a nih loh chuan a naupang hrente hi thah a tum thu a sawi nia sawiin, a chhungte leh rilru lam doctor-te pawhin an dawr hnuah pawh, a naupang hrente hi a chhuah duh loh avangin, silai kap thiamin a lu-ah an kap a, a naupang hrente pawh an chhuak thei ta niin a sawi



Src  : Zonet