Google mah minpha ngahpenlai

ZomiDaily :: Harris Interactive Poll bawlkhiatna panin Google tepen US gamah minpha ngah cidinghiam "Most Reputable Capany" ci'n kitelkhia hi. Hihbangin akitelkhiat theihnading in Harris Interactive te'n mi 30,000 valkiangah US gam aa akitheipen company 60 ongtelkhia un ci'n anget uh ahihi. Tua atelkhiat te uhpan "Financial Performance, Emotional Appearance, Social Responsibility, Leadership, etc..." cihbang atuamtuam nam 20 tungah ki nga in atelkhiat uh ahihi.

Hihbangin akitelkhia tenglak ah amat tamngahtengpen Technology Companies vive onghizaw hi. Akhatna ah Google hi a, Harris Interactive te ciaptehna ah 84.05/100 angah ahihi. Amau ciaptehna ah 80% tungsiah angah nakleh "Excellent" ci'n aciapteh uh ahihi. Google banah Apple #5, Intel #6, Amazon #8, Sony #14, Microsoft #16 cihbang vive ngah uh a, a Rating in cileng 80% tungsiah vive ngah uhhi.

Aminsia pen Worst Reputation ahihleh AIG company te hi a, 47.77 bek ngah uhhi. Aminsia in akiciamteh te lakah Insurance, Bank, Oil Company cihte tammahmah hi. AIG zong "the worst oil spill in history" cihtawh amat akiamsukgawp ahihi. Tuabanah Comcast, Delta Airlines, JPMorgan Chase, ExxonMobile, General Motors, Bank of America, Chrysler, Citigroup, Goldman Sachs cihtezong Harris Interactive te aminsia ciaptehna lamah kihelkha hi.

Leitung kumpite'n Google ii Privacy lamah alungkham mahmah uhhangin, Google pen azang mi Millions tampi takin deihmahmah ahih manin vangnei "Positive Image" mahmah laihi. Nang ee bangci nasa a? Google company omkeileh ihzatzat Gmail danin Email Service ahoih kuan ongpia dinghiam?