May 01, 2011 ni-in NATO te'n Tripoli aom Moammar Gadhafi inn asuksiat sakna
ZomiDaily :: Libya kumpilam pan Spokesman khat ii genna ah NATO te galvanleng tawh asimna hangin Moammar Gadhafi ii tapa neupen leh atute 3 sikhin cihi. Moammar Gadhafi akaplup sawmuh himah taleh amahleh azipen suakta hihtuak hi. Tua asi atapa pen atapa gukna hi a, kum 29 apha Saif-Al-Arab Gadhafi acihpen ahihi.
Tuaban ah hih NATO te'n Tripoli khua ah Saturday ni-in galvanleng tawh asimna hangin mitampi liambanah innzong tampi siacip hi. Spokesman pa genna ahbel hihpen amakaipi uh Moammar Gadhafi athakdingin akuan uh ahih manin, hihbang gamtatna koimahah kisangthei lo hi. International Law tawhzong kituaklo hi ci'n NATO te mawhsak mahmah hi. Libya gam apiang sathau (oil) teng ongdeihgawh manun ong hicibawl uhhi cilai uhhi.
NATO lampan agenciangin tuabangin Moammar Gadhafi pen Direct in ngimna omlo hi. Tuabanah atapa Saif-Al-Arab Gadhafi leh atute 3 si cihzong NATO lampan gencian theinailo uhhi. Ka Target taktak uhpen gammi mipite agawtden ahi Communications Headquarters ahihi cihi. Nung Saturday ni-inzong Moammar Gadhafi in National Broadcast pan mipi tungah athugen laitakin NATO te'n Bomb khiatsuk uh a, ahih hangin Gadhafi nasuakta citciat hi. Hih Libya gamvaipen ei Zomi tetawh akisailuat khollohhangin, leitung thuthang mahmahkhat ahihna tawh onglunglut huai nakhat nei ahih manin, Zomi Daily pan kongsuaksak uhhi. Zomi Daily
No comments:
Post a Comment