ZomiDaily :: Singapore ah ih Zomi makaite nuamtakin kimu khawmthei-in, tua kimuhkhopna pan thupulakna tezong ihsimkhin tekding hi. 
Thukikupna teng amankhit ciangin Bishop Felix Lian Khen pen zanni May 01, 2011 ni-in Singapore pan Kawlgam zuankik pahhi. Pawlpi sungah vaithupi tuamtuam om ahih manin, tuni-in Yangon pan Kawlpi ah ciahtosuak pahding cihi.
Thukikupna teng amankhit ciangin Bishop Felix Lian Khen pen zanni May 01, 2011 ni-in Singapore pan Kawlgam zuankik pahhi. Pawlpi sungah vaithupi tuamtuam om ahih manin, tuni-in Yangon pan Kawlpi ah ciahtosuak pahding cihi.Bishop Felix Lian Khen lobuang adangtengin tuni-in Singapore aom Tg. Khawmlay (Khup Khawm Mung) leh Lia Suannu (Cing Suan Lian) te pumkhat suahna mopawi ah va uapthei uhhi. Khawmlay pen tulaitak Zomi Innkuan Singapore ii President ahi Pa Pau Khan Khup tapa hi a, Suannu pen Pa Hang Khan Lian tanu ahihi. Khawmlay leh Suannu te pumkhat suahna nuamtak kizothei ahih manin Zomi Daily pan ki lungdampih mahmah hi.
Mopawi hunte nuamtak in azatkhit uhciangin Sia Do Kham, Sia Do Suan Mung leh ECT Trio tepen Singapore pan 7:30pm in Malaysia lamzuanin vanleng tawh lengpheiding uhhi. Dr Enno, Dr Khual, Sia Piang leh Steven Vocal Band tezong Singapore panin nitak nai 7:30pm in Starmart Bus tetawh Malaysia lam zuanin paipheiding uhhi.
Hih makaipi te leh lasiamteng pen Kuala Lumpur sung aom China Town gei aa Nan Yang Hotel ah tungding uhhi. Nan Yang Hotel Address pen: Hotel Nanyang, 83 Jalan Sultan, 50000 Kuala Lumpur Tel: 603-20787477 hiding hi. Agei ahzong Hotel liankhat ahi "The 5 Elements Hotel" omding a, hih Hotel tawhzong Taxi hawlte'n theibaihzaw uhhi. Ih zaksa mahbangin ih makaipi te leh lasiamteng in FGA ah May 3-5 sungteng nitaksim nai 7pm-9:30pm sung thugen lasakna neiding uhhi.
No comments:
Post a Comment