Mizoram kumpi thuneite in Kawlgam mite man zelzel uh a, tua akimante' sung panin Zomi (Chin) numei 15 le pasal 25 te April 30,2011 (4:00PM) hunin Kawlgam le India gamgi Ciau lamah puakkik uh cih kiza hi. Tua akipuak 25 te' sung panin April 30,2011 ni zingsang lam amat uh hi-in, adang 15 te pen April 29 ni Aizawl Bazar ansai ah nasemte cih kiza hi. A kipuak khiat ma in Aizawl thukhen zumah thudotna akineih khit ciangin gamdang mi hihna tawh gamgi puak kik ding thukhenna nei uh cih kiza hi.
Numei naupang neu vive ahih banah nanpua Mawtaw khat sungah Vokpuak bangin guang uh ahih manin hehpih huai mahmah ci-in, mit mahmah tawh amukha Zomi khatin gen hi. Hih bangin Mizoram, Aizawl khuapi ah sum thalawh Kawl gammi le adiakdiak in Zomi (Chin)te kimatmatna ahang pen Palik lianpen pa' ( Superintendent of Police (SP) thuneihna tawh kiman cih thu kiza hi. Aizawl khuapi sungah abeisa April 29,2011 ni akipan gamdang mite kilim mat mahmah a, April 29,30 sung bekbek in 80 val mankhia ta uh a, tuate' sung pan mi 40 a masa penpen kipuak kik ahi hi. Source: Tongsan/KNT
No comments:
Post a Comment