Kawlpi gam huam Sakhagyi khua ateng U Zaw Myint in a zi Nu Niang Ngaih Ciin ( Kum-25) pen abeisa June 10, 2011 ( 8:00M) hun pawlin Tem tawh dawt lumin, a mah zong Palik zumah ki-ap pah cih kiza hi. A zi luang hawm pen a ma pawlpi ahi New Apostles Church (NAC) pawlpi in vuisak uh hi. Hih U Zaw Myint te nupa pen abeisa tawlkhat sung Yangon ah teng uh a, tuma kumkhat lai-in Sakha Gyi a ciah to kik uh ci hi.
A mau nupa in tapa Tg. Thang Lam Mung le Tg. Dal Sian Dong te nei uh a, sang zong kah nai loin neu mahmah lai mahmah uh ci hi. Tulaitak in Pa Suan Khan Mung ( Bethel AG)te innkuan in kem phot uh cih kiza hi. Kawlpi ateng Sia Pau in naupang Unaute' tungah, " Na nu le pa kua it zaw na hi uh hiam cih adot leh ka Nu it zaw ung ci-in dawng uh hi. Tua banah Sang na kah nuam uh hiam le ci-in adot kik ciangin " sum om le kah nuam mah ung " ci-in pilvangtak in dawng kik ci hi. Tua bangin pilvang takin adawnna hangin Sia Pau mahmah zong khitui mualtuang in om hi.
Hihte Unau pen Yangon ah suak/ khangkhia uh ahih manin Zopau nangawn siam nai lo uh hi. Biakinn kikhop le Sunday School kahte hanciam in nuam sa mahmah uh ci hi. Bangbang le hih Unaute pen a nu nusiat banah a pa zong Thong sungah om ta ahih manin, tagah taktak suak mawk uh hi. A diakdiak in sangkahna ding le nektawm ding ahuh nuam i om le huh huai mahmah cih Tongsan Media Group pan i kizasak hi. A neu lai mahin Pasian thu tawh kipantah le a pa biakna (Buddist) hong zuih khak ding lauhuai mahmah hi.
Tua ahih manin Zomite sungah Tagah kem nasem ( Orphan Ministry) zong ki om kiukiu ahih manin, hih Unau nihte hehpih, kem in khoih huai peuh mah ding hi. I nauno Unau nihte a huh apanpih nuam kha i om leh Email: tongsan@zomi.org, khampeek@gmail.com ah bang hunhun in suaktatak kizom thei den ding hi. I khuapih, behlephung , U le nau meltheih ahih loh zenzen hangin minam le Pasian i itna tawh tagah gentheite ading mapangkhawm zo dingin Pasian in hong siam hen. Leitung khangkhat nuntak sungin Na hoih sep ding cimtak huai peuh mah lo hi.
Hihte Unau pen Yangon ah suak/ khangkhia uh ahih manin Zopau nangawn siam nai lo uh hi. Biakinn kikhop le Sunday School kahte hanciam in nuam sa mahmah uh ci hi. Bangbang le hih Unaute pen a nu nusiat banah a pa zong Thong sungah om ta ahih manin, tagah taktak suak mawk uh hi. A diakdiak in sangkahna ding le nektawm ding ahuh nuam i om le huh huai mahmah cih Tongsan Media Group pan i kizasak hi. A neu lai mahin Pasian thu tawh kipantah le a pa biakna (Buddist) hong zuih khak ding lauhuai mahmah hi.
Tua ahih manin Zomite sungah Tagah kem nasem ( Orphan Ministry) zong ki om kiukiu ahih manin, hih Unau nihte hehpih, kem in khoih huai peuh mah ding hi. I nauno Unau nihte a huh apanpih nuam kha i om leh Email: tongsan@zomi.org, khampeek@gmail.com ah bang hunhun in suaktatak kizom thei den ding hi. I khuapih, behlephung , U le nau meltheih ahih loh zenzen hangin minam le Pasian i itna tawh tagah gentheite ading mapangkhawm zo dingin Pasian in hong siam hen. Leitung khangkhat nuntak sungin Na hoih sep ding cimtak huai peuh mah lo hi.
Source : Sia Pau, Kawlpi
Veiina tawh Huhna ngetsak,
Tongsan Media Group
No comments:
Post a Comment