Zogam,Hakha khuapi pan Kawlpi lam a zuan suk Pa Tawk Lian Mawi i neihsa Shwe Chan Teih -Manlong (Bus), 5Kah/9755 pen Kawlpi tun ma tai (miles 40) mun Valung khua kiangah June 14,2011 ni-in kibungin lampi pan pi (Ft.150') kia suk ahih manin a tung atuang Kawl galkap vekpi 80 val sung pan 40 liamin 2 si hi. Bus ahih leh kilimsiat mahmah ahih manin lak theih ding zong tam lo ci hi.
Hih Kawl galkapte pen Hakha phualpi anei (Troops of the Light Infantry Battalion No. 266)pan hi uh a, abeisa June 9,2011 ni akipan Kachin gam ah akikap uh ahi Kawlgam kumpite le Kachin Independent Army (KIA) te kikapna ah Kawl galkapte galhuh ding a kuankhia ding kimlai uh cih kiza hi.
A si aliamte pen Kawlpi galkap phualpi ( Troops of the Light Infantry Battalion No. 89) te' zatopi ah kipuaksuak pahin, a si nihte zong zato pan sipah ci hi. Tua banah galkap ulain Lt.Col. khat le Bus hawl (Driver) Pa Thang zong nasia liam mahmah cih kiza hi.
Hih Bus pen zawhthawh thu tawh galkapte a zatsak uh ahih manin, Mawtaw nei pa in hih thu tawh kisai sum le pai liau dingte galkapte tungah khauhtak ngen ci hi. Thusia khempeuh galkapte in mawh apuak sak kei leh Kawlgam kumpite' zumpi ah thubawl dingin gen ahih manin, galkap thunei lamte lau mahmah ta cih kiza hi. Kawlgam ah kumpi thak akhan zawh akipan Mawtaw te zawhthawh thu tawh (Chaw suai) thei nawn lo ahi hi. Bus tuahsiatna ahang kithei cian nai lo ci hi.
Translated and Posted by: Tongsan Tanute
Source by : KNT
No comments:
Post a Comment