Germany kumpi in a gam sungah khuaphelep mei (Electric) tha piakna akibawl Nuclear tha bawlna (Industry) phualpi 17 te khakcip (Phiat kik) ding vai nai 12 sung nasiatak kikupna nei uh a, mai 2022 kum bei ma peuh mahin Nuclear bawlna setzung khempeuh a vekpi khakcip khit ding athukimna nei uh May 30,2011 (Monday) ni-in pulakkhia uh hi.
Tua bangin a phiat khiatnopna hang pen Japan gam a Fukushima Nuclear tha bawlna zong kum tam akizatluatna hangin lauhuaina piang hi ci-in Germany gam kim le pam kepcingna lam vaisai Minister Mr. Nobert Roettgen in gen hi. A lui pha deuhdeuh Nuclear setzung 7 te sung pan Kruemmel Nuclear tha bawlna setzung hemkhia khin uh hi. Hih Electrict tha bawlna ahi Nuclear setzungte pen sawt lua le a lauhuai mahmah ahihna hangin hih bangin khawlsan sawm ta ahi hi.
A om lai nuclear tha bawlna phualpi 6 pen mai 2021 kum ciangin phiat ding uh a, Germany gamah akizang vekpi i 23% pen setzungte akikhak zawh a kingah ding khuaphelep mei (Electric) kisiatna ah donghu dingin a nunung pen akilam setzung 3 te pen 2022 kum ciang dong kizang dingin gen hi. Hih a thukhensatna uh tawh kisai-in, kikup kikna le puahphatna om sak nawn lo dingin Mr. Norbert Roettge in kician takin gen hi.
Source: shm.com.au & Patein
Posted and Translated by- Tongsan tanute
No comments:
Post a Comment