ZomiDaily :: Philippines gammi Junrey Balawing acihpa pen zanni-in Guinness World Records te'n leitungah atun tompen, mitompen in tangkokhia uhhi. Junrey Balawing pen asuahzawh kum 2 aphak akipan khangnawnlo in, kum 18 aphakni ahi zanni-in leitungah atun tompen cih ciaptehna Guinness World Records te'n apia uh ahihi. Junrey Balawing pen 23.5 inches sangin, unau 4 lakah a upen ahihi. A sanggam dangte pen midangte tawh tun kikimlel himahtaleh amahpen tomdiak citciat sese hi.
Hihbang in Junrey Balawing in Guinness World Records ciaptehna angahpen apa Reynaldo zong lungdam mahmah hi. Amahpen a Special mahmah khatin ka ngaihsutdek hi ci'n Reynaldo in atapa suahni ah ongkihelkha Media te leh Guinness makaite kiangah genkhia hi. Aneutung kum 2 aphak akipan khangnawnlo a, akhua aom siavuan te'nzong banghangcih kankhia zolo uhhi. Junrey Balawing cidamlel cihhangin sauveipi dingtang theilo leh apauciang hamsa sapian hi.
Nungkum 2010 kumin Guinness World Records te'n atun tompenin aciapteh uh Khagendra Thapa Magar akici Nepal tekhat hi a, 26 inches valdeuh sang cihi. Leitungah Khagendra Magar atompenin aki ciaptehlai-in Nepal te Tourism lamtawh kisai khempeuhah amalim suaksak uh a, gamtuamtuam ahzong zinkha kawikawi hi. Tuabanah United States leh Europe gamte ii TV ahzong suaksak uhhi. Tuabang mahin Junrey Balawing zong Phillipines ah minthangding a, anu apa'n hauhlawhding in ki lamet sak hi.
No comments:
Post a Comment