Gabrielle thautawh aki kapma (vei) leh aki kapkhit (tak)
ZomiDaily :: Tukum January 08 ni-in Arizona ah alu thautawh aki kapliam ahi US Representative Gabrielle Giffords ii melthak, maithak limpen Sunday ni-in mipi muhtheih dingin Internet ah ki khahkhia tahi. Asawtlo in tulaitak a zato lupna ahi Houston Rehabilitation Center panin tuaktading a, Out-patient khatin Therapy zomsuakding ci'n a Spokesman C.J. Karamargin in Reuters te genkhia hi.
Tuabanah Gabrielle Giffords pen akal akal in noptuam semsem ahih manin anaseplui zopkiktheih nadingzong kikupna om ci'n Karamargin in genbeh hi. Hih photo sungah nidang alu aliamma leh aliamkhitzawh amelte kimukhawm thei a, Gabrielle Giffords pen alu pan thautawh akikapliamkhat ahih hangin zatui zaha hoihtak kibawlthei ahih manin mi ngeinamah abangkik hita hi.
Hih photo pen aliamkhitzawh akizaih masakpen hi a, Houston aom "Institute for Rehabilitation and Research, Memorial Hermann-Texas Medical Center" panin May 17 ni-in akilak ahihi. Gabrielle Giffords zato lupvai leh anoptuam akizak ciangin mipi'n bangmel bangsa puading cih lunglutlua mahmah ahih manin mipi muhtheihding in akhahkhiat uh ahihi. 
No comments:
Post a Comment