Tuesday, June 28, 2011

Singapore galkapte iPad khatta kipiading

ZomiDaily :: Singapore ah Military, Air Force, Navy te ah galkap atumthak, alutthak peuhmah iPad khatta piading cihi. Tuapen galkapkhat adingin thauvui ipadthautang banah avanzatding in Standard Equipment in apiakding uh ahihi. iPad pen Apple Company te bawlkhiat hi a, iPad 2 ongbawlkhiat khitzaw minthang semsem hi. Khangnote deihmahmah leh Singapore ah aminthang mahmah ahi tua iPad te 8000 hawmkhiading ci'n Singapore Defence Ministry te'n Monday ni-in genkhia hi.
Defence Ministry te'n galkapte banah adang Servicemen te adingzong maikumah hawmzawhding gelnaom cihi. Tulaitak Singapore ah iPad 2 atawmman penpen $$668 bang manhi. Defence Chief Neo Kian Hong in hih iPad zatna hangin Singapore Armed Forces (SAF) ii sepleh bawlnate mazangin Technology limzat semsemding cihzong genhi. Tuabanah galkapte in iPad panin Photo leh Video Clips te zaihtheiding ahih manin, SAF Platform ah Upload in thulela kipuak, kiza theiding hi. Galkap nautangte'n zong a Commander tekiangah Live Messaging System leh Group Chat Discussion te zangin Report piakna, thuki kupkhopna neitheiding cihi.
Galkapte iPad ah atuam vilvel in zattheihding inzong Apps Design bawldingin SAF te'n Private Contractor te kiangah aciallaitak cihi. Singapore pen Asia gamsungah Standard neimahmah gamkhat ahih mahbangin agalkapte uhzong Equipment aneihding akisamteng guanzo uhhi. Singapore gammi khat ahihnak leh kum 18 tungsiah Military Training or Military Service ci'n kum 2 sung galkap tumsak hamtang uh a, Singaporean pasal kumcing khempeuh galdo theidingin akoih uh ahihi.



Src  : Zomidaily

No comments:

Post a Comment