Afghanistan President, Hamid Karzai chuan Taliban firfiak pawl leh US sorkar chu inremna zawngin an inbe mek niin a sawi. Tun thla tir lam khan US Defence Secretary, Robert Gates chuan kumin kumtawp lamah Taliban nena inremna zawnga inbiakna neih a nih tur thu a lo sawi tawh a ni.
Karzai-an Taliban leh US-te an inbia nia a sawi hnu lawkah Afghanistan khawpui, Kabul-a police station chu thihchilh bomb hmanga beih a ni a, mi 9 an thi. Police staton hi President chenna in bul hnaia awm a ni, Inrinni khan Afghanistan sipai thuama inthuamte chu police station-ah hian lutin an bei ta a ni. Afghan Interior Ministry chuan thite hi police officer 3, intelligence agent leh civil mi 5 niin a sawi.
Hetihlai hian firfiak pawl, Taliban leh al-Qaida-te hrekna tur siam chungchangah United Nations Security Council member ram 15-ten Inrinni zan khan resolution an siam. Council hian heng firfiak pawl hnih nena inzawmna neia puh, mimal leh pawlte hrekna tur, blacklist thar chu a hran ve vein a siam a, hei hian list-a dah leh paih tur pawm a tiawlsam dawn a ni.
Src : Vanglaini
Karzai-an Taliban leh US-te an inbia nia a sawi hnu lawkah Afghanistan khawpui, Kabul-a police station chu thihchilh bomb hmanga beih a ni a, mi 9 an thi. Police staton hi President chenna in bul hnaia awm a ni, Inrinni khan Afghanistan sipai thuama inthuamte chu police station-ah hian lutin an bei ta a ni. Afghan Interior Ministry chuan thite hi police officer 3, intelligence agent leh civil mi 5 niin a sawi.
Hetihlai hian firfiak pawl, Taliban leh al-Qaida-te hrekna tur siam chungchangah United Nations Security Council member ram 15-ten Inrinni zan khan resolution an siam. Council hian heng firfiak pawl hnih nena inzawmna neia puh, mimal leh pawlte hrekna tur, blacklist thar chu a hran ve vein a siam a, hei hian list-a dah leh paih tur pawm a tiawlsam dawn a ni.
Src : Vanglaini
No comments:
Post a Comment