Libya sorkar chuan Nato sipaiten thlawhtheihna hmanga an ram khawpui, Tripoli an beihnaah civil mi an thi niin nimin khan a sawi.
Nato sipaite hian nimin zing khan Tripoli khua hi rocket leh bomb hmangin an bei leh a, mahse Libya sipaite niloin, civil mite chenna an bei zawk niin sorkar thupuangtu, Moussa Ibrahim chuan a sawi. Nato sipaite chetna hnuhma hi journalist-te entir nghal niin, tangrual sipaite thil kahchhiat leh Libya sorkarin chhanchhuah hna a thawh dante an entir a ni .
Moussa Ibrahim chuan thi zat hi hriatchian an la ni lo tih a sawi a, Nato sipaiten an beihna hnaivaiah hian Libya sipai hmun pawimawh a awm lo niin a sawi bawk. Ibrahim chuan, 'Hei hi Tripoli-a civil mite chenna hmun beihna ngei a ni' a ti. Journalist-te hi Natot-te beihna avanga hliam tuarte hmu turin damdawi-inah hruai an ni bawk.
Syria Prime Minsiter al-bagdadi al-Mahmoudi chuan Nato chu tunhnaia an che naa hle nia sawiin, civil mite chenna building bakah hotel leh university-te beiah a puh. Al-Mahmoudi chuan Nato sipaiten nitina an ram an bomb thin chu titawp tura hmala turin United Nations a ngen.
Libya Health Ministry chuan kumin March thla atanga Nato-in Libya hruaitu, Muammar Gaddafi-a paihthlak tumtu, helpawlte puia Libya ram a beihnaah civil mi 856 an thi tawh niin a sawi. Mahse Libya sorkarin thi zat a sawi hi finfiah theih a ni lo.
Nato chuan Inrinni khan Libya khawchhak lama beihpui an thlaknaah an puih mek, Libya helpawlte motor chu an bomb palh niin a sawi. Nato chuan an tihsual palh vanga thi leh hliam an awm a nih chuan pawi a ti takzet tih a sawi bawk. Helpawl sipai thupuangtu, Abdel-Rahram Abu-Sin chuan Nato-ten an hmalakna thlawpa an pui chu lawmawm an tih thu sawiin, an hai palh chu an hrethiam tih a sawi.
Nato sipaite hian nimin zing khan Tripoli khua hi rocket leh bomb hmangin an bei leh a, mahse Libya sipaite niloin, civil mite chenna an bei zawk niin sorkar thupuangtu, Moussa Ibrahim chuan a sawi. Nato sipaite chetna hnuhma hi journalist-te entir nghal niin, tangrual sipaite thil kahchhiat leh Libya sorkarin chhanchhuah hna a thawh dante an entir a ni .
Moussa Ibrahim chuan thi zat hi hriatchian an la ni lo tih a sawi a, Nato sipaiten an beihna hnaivaiah hian Libya sipai hmun pawimawh a awm lo niin a sawi bawk. Ibrahim chuan, 'Hei hi Tripoli-a civil mite chenna hmun beihna ngei a ni' a ti. Journalist-te hi Natot-te beihna avanga hliam tuarte hmu turin damdawi-inah hruai an ni bawk.
Syria Prime Minsiter al-bagdadi al-Mahmoudi chuan Nato chu tunhnaia an che naa hle nia sawiin, civil mite chenna building bakah hotel leh university-te beiah a puh. Al-Mahmoudi chuan Nato sipaiten nitina an ram an bomb thin chu titawp tura hmala turin United Nations a ngen.
Libya Health Ministry chuan kumin March thla atanga Nato-in Libya hruaitu, Muammar Gaddafi-a paihthlak tumtu, helpawlte puia Libya ram a beihnaah civil mi 856 an thi tawh niin a sawi. Mahse Libya sorkarin thi zat a sawi hi finfiah theih a ni lo.
Nato chuan Inrinni khan Libya khawchhak lama beihpui an thlaknaah an puih mek, Libya helpawlte motor chu an bomb palh niin a sawi. Nato chuan an tihsual palh vanga thi leh hliam an awm a nih chuan pawi a ti takzet tih a sawi bawk. Helpawl sipai thupuangtu, Abdel-Rahram Abu-Sin chuan Nato-ten an hmalakna thlawpa an pui chu lawmawm an tih thu sawiin, an hai palh chu an hrethiam tih a sawi.
Scr : Vanglaini
No comments:
Post a Comment