ZomiDaily :: Nungin ihzaksa mahbangin SlutWalk cihpen leitung gamtuamtuam ah ong minthang mahmah a, tu in India gamdong zelta hi. India gamah akibawlding SlutWalk pen "SlutWalk 2011 arthart Besharmi Morcha" kiciding hi ci'n Delhi ah amakainu ahi Umang Sabharwal in genkhia hi.
Umang Sabharwal pen Kamla Nehru College pan sangnaupang khat hi a, ama gencianna ah India gam aom mikhempeuh in "slut" cih mikangkam ii akhiatna theikimloding cih kinialna tawlkhat kaneihkhit uhciangin "Besharmi Morcha" cih minpuaksakding kithukim hi cihi. Tuahileh India gam aom mitampi in hih SlutWalk kibawlna ii adeihna telzawding hi.
India gamah SlutWalk pen June 25 nidingin agelsa himahta leh July kha kalnunung ah bawldingin kilaihto kik hi. Umang Sabharwal in SlutsWalk bawlnading amun leh ani pen khentatding kisamlai ci'n gen hi. July khabeikuan hileh College sangtezong kihongkik tading ahih manin sangnuapang tampi kikaikhawmtuah theiding cizong lametna nei uhhi.
Facebook Page ahzong "Slut Walk Delhi" akici pen aminthak "SlutWalk 2011 arthart Besharmi Morcha" tawh asawtlo in ki update dinghi. Tuabanah akibawl nading munleh nite zong ki update dinghi. Tuciangciang akihelding in a Confirm khinpen mi 17,000 phakhin hi.
Nungin "SlutWalk acih banghiam?" cih thulu tawh ZomiDaily ah ihgelhkhitsa mahbangin SlutWalk ihcihpen Canada gam aom Toronto khuapan ongki pankhia ahihi. Toronto Police Officer khat ahi Michael Sanguinetti in January 24, 2011 ni-in York University Safety Forum ah numeite buanna atuahloh nadingin nikten puansilh kidophuai ci'n Mikang kamtawh "Women should avoid dressing like sluts in order not to be victimized" acihkhak zenzenna pan gammeikang bangin leitung muntuamtuam ah ongkilawhto ahihi.
No comments:
Post a Comment