US ah Missouri luitui khang

Missouri State sung aom Atchison leh Holt counties te ah Sunday ni-in Missouri River tuikhang in tuidalna te phusuk cih CNN in genkhia hi.

Tua huhau in Sunday ni-in kumpi thuneite'n akiim apam aom mi 250 tekiangah kihepkhiatding zasak uhhi.

Mi atamzaw ki hemkhiakhin a, ahih hangin Authorities te'n innkhatkhit innkhat avavil kawikawiciangin mi 30 dingbang a innzangah na omlai uh ci'n Holt County Sheriff's Department te'n genhi.

National Weather Service te genna ah Missouri aom Brownville kiimah Flood State sangin pi 11.5 sangzaw in tui kicing zihziah cihi. Fremont County Emergency Management Chief Mike Crecelius genna ah nungkalin tuidalna akisiatna ahi Hamburg, Iowa kiimah luitui pen Flood State panin pi 10 bang sangzawdingin ki ummawh cihi. Missouri River pen nung April khatpekin Flood State sang asangzawkhin hi a, Forecasters te'n luitui pen August khadong 150,000 Cubic Feet (1.1 Million Gallons) per Second in luangding ci'n gen uhhi.

National Weather Service te gendan ahihleh Montana leh North Dakota lamah guah tamlua mahmahleh Rocky Mountain ah vukkhalte tuisuak ahih manin Missouri sungah tuiciim atung hihtuak hi. Nungkal sungtengin Missouri saklamah letmat 6 pan 12 dong guah azuk ziahziahpen kumdangtawh tehleng kumkhatsung guahzutawh kikimkhin cihi. Tuabanah vukkhalte tuisuak ahih manin kumdangsang in 140% bang tui tamzaw hi ci'n genbeh hi.