White House Press Secretary, Jay Carney chuan Osama in Laden-a ruang thlalak chu mipui hmuh tura tihchhuak lo turin US President Barack Obama chuan thutlukna a siam ta a niin a sawi.
Carney chuan US sipaiten Osama bin Laden an kaphlum ngei a ni tih chu rinhlelh tur a awm lo tih sawiin, 'Mi thenkhat chuan a la thi lo tiin an sawi lui ngei ang. Mahse thudik tak chu he khawvelah hian Osama bin Laden hi in hmu leh tawh ngai lo ang' a ti. US special force-ten an kahhlum chu Osama bin Laden a ni ngei tih finfian turin DNA test pawh neih vek a ni a, hei vang hian a finfiahna atana a ruang thlalak tihchhuah kher chu a tullo a ni, a ti.
Osama bin Laden ruang thlalak tihchhuah anih chuan Arab ram mipuite rilru a ti na thei tih Carney chuan a sawi. Hetihlai hian CNN-in America mipuite ngaihdan a lakah chuan America mipui zinga a tam zawk chuan bin Laden-a thlalak tlangzarh hi an duh a ni.
Al-Qaida firfiak pawl hruaitu kahhlum a nih hnuah, Afghanistan-a Taliban pawl chuan a phuba la turin special unit an din niin an commander Dawaran Safi chuan a sawi. Safi chuan satellite TV channel hnenah, 'Martar-a thi ta, Sheikh Osama bin Laden phuba la tur hian special unit kan din a, a hmalaknate chhunzawmin, ramdang mite leh an thurualpuite chu kan bei chhunzawm zel ang' a ti.
Src : Vanglaini
Carney chuan US sipaiten Osama bin Laden an kaphlum ngei a ni tih chu rinhlelh tur a awm lo tih sawiin, 'Mi thenkhat chuan a la thi lo tiin an sawi lui ngei ang. Mahse thudik tak chu he khawvelah hian Osama bin Laden hi in hmu leh tawh ngai lo ang' a ti. US special force-ten an kahhlum chu Osama bin Laden a ni ngei tih finfian turin DNA test pawh neih vek a ni a, hei vang hian a finfiahna atana a ruang thlalak tihchhuah kher chu a tullo a ni, a ti.
Osama bin Laden ruang thlalak tihchhuah anih chuan Arab ram mipuite rilru a ti na thei tih Carney chuan a sawi. Hetihlai hian CNN-in America mipuite ngaihdan a lakah chuan America mipui zinga a tam zawk chuan bin Laden-a thlalak tlangzarh hi an duh a ni.
Al-Qaida firfiak pawl hruaitu kahhlum a nih hnuah, Afghanistan-a Taliban pawl chuan a phuba la turin special unit an din niin an commander Dawaran Safi chuan a sawi. Safi chuan satellite TV channel hnenah, 'Martar-a thi ta, Sheikh Osama bin Laden phuba la tur hian special unit kan din a, a hmalaknate chhunzawmin, ramdang mite leh an thurualpuite chu kan bei chhunzawm zel ang' a ti.
Src : Vanglaini
No comments:
Post a Comment