Pawan Hans Helicopters Ltd. chuan hmarchhaka an la service lohna state pahnih, Manipur leh Mizoramah service an tum mek nia thu dawn a ni. Hetihlai hian Mizoramin helicopter service neih tuma hma a lak mekna-ah, state dang ang bawkin a senso 75% tum sak tura Ministry of Home Affairs-a a dilna chu Ministry chuan tun thlengin a la chhang lo.
Mizoram sorkar, Aviation wing chuan Mizoram chhunga helicopter service tir tumin hma a la mek a. A senso hi a hautak avangin Ministry of Home Affairs hnenah a senso 75% tumsak turin a dil a. State in 25% a tum ve dawn a ni. He a dilna hi Home Ministry chuan a la chhang lo niin Aviation Wing atanga thudawnna chuan a sawi.
Pawan Hans hian helicopter a service tir dawn a nih chuan, ‘Dauphin’ an tih ang chi service tir an tum a. He-tiang helicopter-ah hian phaiah chuan mi 10 chuangte pawh an chuang thei a, mahse, Mizoram ang tlangramah chuan mi 7-9 vel chuang thei tura ngaih a ni.
No comments:
Post a Comment