Osama Bin Laden-a kah hlum a nih hnuah US leh Pakistan inkar a buai zual zel a, America sawrkarin Pakistan chu an rama mi firfiakte laka na zawka beihpui thlak tura a nawr hnuah leh, Pakistan rama mi firfiak che tla an hmuh chuan Osama-a chunga an tih dan ang bawka an beih tur thu a sawi hnuah, Pakistan Foreign Secrectary, Salman Bashir chuan, Osama-a thah a nih tum anga US sipaite, sawrkar hrilh lawk loa an rama an luh leh chuan ram pahnih inkarah thil tha lo zawk a thlen a hlauhawm dawn niin a sawi. Thuthar la khawmtute hnenah Pakistan Foreign Secretary chuan, Osama Bin Laden-a that tura America sipai, Navy Seals-ten beihpui an thlak dawn khan America sawrkarin Pakistan sawrkar a rawn lo tih sawiin, engkim a ruk vekin a ti niin a sawi a, America sawrkar chu thil pakhat chauh ngaihtuahah puhin, US thil tih dan chu UN pawhin a ngaihtuah chian a ngai niin a sawi. Pakistan Foreign Secrectary, Salman Bashir-a’n America sawrkar vauna anga ngaih theih thu a sawi hma hian, White House Press Secretary, Jay Carney chuan, Pakistan rama an sipaite chet dan avanga Pakistan ram laka ngaihdam dil an tum loh thu a lo sawi tawh a, Pakistan-in a ram chhunga mi firfiakte a bei duh lo a nih chuan US sipaiten luh chilhin an bei zel dawn tih a sawi bawk a ni. He thilah hian China sawrkar pawh a inrawlh nghal vat a, Foreign Ministry thupuangtu, Jiang Yu chuan, Pakistan chu mi firfiak beihnaah khawvel ram dangte thlir mek a ni tih sawiin, tun hnaia thil thleng kha ram dangin an hriat thiam a, mi firfiak beihnaah Pakistan chu puih zel a ngaih tur thu a sawi. Pakistan rama in nuam taka cheng Osama Bin Laden a thah chungchang hi US Congress-ah pawh sawiho a ni tawh a, mi pawimawhte chuan hun rei tak chhung, tlang kara cheng anga an ngaih, Bin Laden-a’n Pakistan rama in lian tak a lo luah reng leh, thlamuang taka hun rei tak a cheng thei chu thil mak a tling tih sawiin, Pakistan-in a hum lo tih chu awih har tak a nih thu an sawi. US mi pawimawhte chuan Pakistan hian hmai hnih neiin, Al-qaeda leh US tihlawm a tum kawp thei tih pawh an sawi a, hemi chungchangah hian Pakistan pawh a insawifiah thuai ngaia an hriat thu an sawi bawk. Pakistan rama US-in tanpuina sum a pek thin tihtlem rawtna pawh a awm a, US-in dollar tld. 3 pek a lo tiam tawh chu, Pakistan-in Osama-a hum lo ngei a ni tih a finfiah phawt loh chuan pek a ni dawn lo nia sawi a ni.
Osama bin Laden-a thah a nih kaihhnawihah hian titi bengverh tak tak a awm zel a, Osama kha chawp leh chilha tlanchhe mai thei turin a inpeih reng nia sawi a ni a, tangka, euro 500 leh telephone number pahnih, a kawrah a inchilh bet reng nia sawi a ni. He thu hi US intelligence mi pawimawhten Congress hotu liante an hrilh a, CIA Director, Leon Panetta pawh a awm ve a ni. Osama beitu, Navy Seal an tihte khan computer 5, hard drive 10 leh thil dah thatna 100 chuang an la niin Wall Street Journal chuan a sawi a, hengte atang hian CIA task force chuan al-Qaida hotu ber dawttu, Ayman al-Zawahiri-a awmna an chhui tan tawh a ni. Hengte bakah hian khatih lai khan Osama bin Laden khan ralthuam engmah a keng lova, a fanu, kum 12 mi chuan a pa an kap hlum lai hi chiang takin a hmu a, Osama thih a nih chungchangah hian White House thuchhuak pawh a danglam zing ta hle nia sawi a ni. Arabic TV station pakhat chuan he hmeichhe naupang thusawi hi a puang a, a pa chu US sipaite hian an man phawt a, an kap hlum niin a sawi. Osama fanu hi Osama nupui pakhat, Yemen mi nen US sipaiten an kawl a, kha thil thlen laia an man, hmeichhia leh naupang 12 chu hren mek an ni. He TV Station sawi dan chuan, Osama bin Laden-a kha in chhunga kah hlum pawh a ni lo niin a fanu chuan a sawi a, he naupang hi thu an la zawt fiah dawn chauh niin intelligence hotute chuan an sawi.
Osama bin Laden-a nupuite zinga naupang ber, kum 27 mi, Amal Al-Sadah chu a ke-ah kah a ni a, US sipaiten an beih thut lai khan Osama hi chu a lo muhil a, sipaite an lan thut khan a nupui hi Osama hming lamin nasa takin a te niin an sawi. Al-Sadah-i hi kum 17 mi chauh a nih laiin Osama nen hian an innei a, a pasal tan hian a rinawm hle nia sawi a ni. Bin Laden-a hian a nupui hi a sa him nan Yemen-ah a thawn haw leh a, mahse Al-Sadah hian hmun ralmuanga awm ai chuan a pasal nun ralti tak chu tawmpui a thlan avangin a fin leh a, he inah hian kum 2005 atang khan an awm tawh niin amah thu zawt fiahtute chu a hrilh a ni.
Osama Bin laden-a thih hnua, misual man tur list thar berah, mi 257 thihna leh mi 713 an hliamna, kum 1993-a Mumbai-a pawi khawihtu, Dawood Ibrahim chu 2-na a ni ta a, Mexico rama ruihhloa sumdawng pawl lian ber, Sinaloa cartel hotu, Joaquin ‘El Chapo Guzman chu 1-na a ni. The Guardian chanchinbu-in misual zual list thar a tihchhuahah hian, India, UAE leh Pakistan-a ruihhloa sumdawng leh pawi khawihna hrang hranga a inhnamhnawih avanga thubuai 5,000 chuang zet nei, Dawood Ibrahim chu Interpol pawhin man a tum langsar ber nia tarlan a ni a, amah hi kum 2008-a Mumbai-a pawi khawihnaah pawh khan a inrawlh rin a ni. Osama Bin Laden-a thih hnua misual hming langsar ber ni ta erawh chu, El Chapo tih leh Shorty tia koh thin, kum 2003-a Mexico rama ruihhloa sumdawng pawl lian ber, Gulf Cartel hotu, Osiel Cardenas-a man a nih hnua Mexico bakah khawvel ram hrang hranga ruihhloa sumdawng leh pawi khawihna hrang hranga mawhphurtu, Joaquin ‘El Chapo Guzman a ni.
Osama bin Laden-a thah a nih kaihhnawihah hian titi bengverh tak tak a awm zel a, Osama kha chawp leh chilha tlanchhe mai thei turin a inpeih reng nia sawi a ni a, tangka, euro 500 leh telephone number pahnih, a kawrah a inchilh bet reng nia sawi a ni. He thu hi US intelligence mi pawimawhten Congress hotu liante an hrilh a, CIA Director, Leon Panetta pawh a awm ve a ni. Osama beitu, Navy Seal an tihte khan computer 5, hard drive 10 leh thil dah thatna 100 chuang an la niin Wall Street Journal chuan a sawi a, hengte atang hian CIA task force chuan al-Qaida hotu ber dawttu, Ayman al-Zawahiri-a awmna an chhui tan tawh a ni. Hengte bakah hian khatih lai khan Osama bin Laden khan ralthuam engmah a keng lova, a fanu, kum 12 mi chuan a pa an kap hlum lai hi chiang takin a hmu a, Osama thih a nih chungchangah hian White House thuchhuak pawh a danglam zing ta hle nia sawi a ni. Arabic TV station pakhat chuan he hmeichhe naupang thusawi hi a puang a, a pa chu US sipaite hian an man phawt a, an kap hlum niin a sawi. Osama fanu hi Osama nupui pakhat, Yemen mi nen US sipaiten an kawl a, kha thil thlen laia an man, hmeichhia leh naupang 12 chu hren mek an ni. He TV Station sawi dan chuan, Osama bin Laden-a kha in chhunga kah hlum pawh a ni lo niin a fanu chuan a sawi a, he naupang hi thu an la zawt fiah dawn chauh niin intelligence hotute chuan an sawi.
Osama bin Laden-a nupuite zinga naupang ber, kum 27 mi, Amal Al-Sadah chu a ke-ah kah a ni a, US sipaiten an beih thut lai khan Osama hi chu a lo muhil a, sipaite an lan thut khan a nupui hi Osama hming lamin nasa takin a te niin an sawi. Al-Sadah-i hi kum 17 mi chauh a nih laiin Osama nen hian an innei a, a pasal tan hian a rinawm hle nia sawi a ni. Bin Laden-a hian a nupui hi a sa him nan Yemen-ah a thawn haw leh a, mahse Al-Sadah hian hmun ralmuanga awm ai chuan a pasal nun ralti tak chu tawmpui a thlan avangin a fin leh a, he inah hian kum 2005 atang khan an awm tawh niin amah thu zawt fiahtute chu a hrilh a ni.
Osama Bin laden-a thih hnua, misual man tur list thar berah, mi 257 thihna leh mi 713 an hliamna, kum 1993-a Mumbai-a pawi khawihtu, Dawood Ibrahim chu 2-na a ni ta a, Mexico rama ruihhloa sumdawng pawl lian ber, Sinaloa cartel hotu, Joaquin ‘El Chapo Guzman chu 1-na a ni. The Guardian chanchinbu-in misual zual list thar a tihchhuahah hian, India, UAE leh Pakistan-a ruihhloa sumdawng leh pawi khawihna hrang hranga a inhnamhnawih avanga thubuai 5,000 chuang zet nei, Dawood Ibrahim chu Interpol pawhin man a tum langsar ber nia tarlan a ni a, amah hi kum 2008-a Mumbai-a pawi khawihnaah pawh khan a inrawlh rin a ni. Osama Bin Laden-a thih hnua misual hming langsar ber ni ta erawh chu, El Chapo tih leh Shorty tia koh thin, kum 2003-a Mexico rama ruihhloa sumdawng pawl lian ber, Gulf Cartel hotu, Osiel Cardenas-a man a nih hnua Mexico bakah khawvel ram hrang hranga ruihhloa sumdawng leh pawi khawihna hrang hranga mawhphurtu, Joaquin ‘El Chapo Guzman a ni.
No comments:
Post a Comment