ZomiDaily :: Northwestern Russia gamah vanleng khat kia in mi 44 si a, mi 8 limliam mahmah ci'n Emergency Ministry Spokeswoman te'n Tuesday ni-in genkhia hi. Tua vanleng pen Tupolev-124 hi a, atungah vanleng nasem mi 9 tawhgawm avekin mi 52 tuang hi. Akiatna munpen Petrozavodsk khuapualam aom Besovets Airport pan 1km khawng akigamlatna munah Monday ni Local Time 11.40pm (1940 GMT) pawl cihi.
Spokeswoman Irina Andriyanova genna ah mi 44 si a, mi 8 liamin adang mi 7 tezong lamet tamlo cihi. Paris Air Show zong hih vanlengkiat ni azingciang akibawlding hi a, Russian Prime Minister Vladimir Putin zong tuatengah akahsawm ahihi. Russian President Dmitry Medvedev inzong amaugam Russia pan akibawl Tupolev vanlengte muangnawnlo a, nungdeuhin Piancit tebawl Executive Jet khattawh khek cihi. Banghanghiam cihleh nungkum April 2010 lai-inzong Tupolive vanlengte tuahsiatna hangin Polish President Lech Kaczynski in ongnusia hi. Amahbek hilo azi Kaczynski banah adang Senior Officer tuamtuam mi 96 bang si a, tuahsiatna lianmahmah khat ahihi.
Monday ni a akia Tu-134 vanleng pen Private company khat ahi RusAir te aa hi a, Moscow's Domodedovo Airport pan onglengkhia cihi. Charter Flight azuizel ahi RusAir te'n akiatna vai bangmah genkhia nailo uhhi. Khualzin atamzaw pen Russia te hi a, tualak ah Sweden te khatzong kihelkha cihi. Russia te neihsa ahi Tuploev-134 pen 1967 kumpan kipan alenden hi a, akiatna banghangcih aki zonsak laitak ahihi.Src : Zomidaily
No comments:
Post a Comment