ZomiDaily :: Nungkum MTV Video Music Award akipiak lai-in Lady Gaga in asilh ahi bawngsa tawh akibawl puanpen tudongmah kigengenlai ahih manin, minthang mahmah cihdingloh adang omlo hi.
Tua sapuan pen Ohio State aom ahi Cleveland aa Rock and Roll Hall of Fame ah mipi muhtheihdingin kikoihding cisawnsawn hi. Tuamun ah Lady Gaga aneulai in azat ahi a Childhood Piano tawh kikoihkhawm dinghi. Hih sapuan bawlnadingin akizang bawngsa pen Argentina pan ongpai bawngsate hi a, Lady Gaga in azatkhit ciangin Chemical tawh hoihtak kikem in, California aom Taxidermist te'n hoihtak aphotkeu khitteh Museum ah koihdingin ongki pua cihi.
Lady Gaga kiangah mipawlkhat in sasialgim namlo hiam, uihlo hiam ci'n adot uhpen, "Gaga herself said it smelled good, because it smelled like meat" ci'n dawngkik cisawnsawn hi. Hall of Fame Spokeswoman khat ahi Margaret Thresher genkhiatna ah tuapuanpen dumpian hiuhiau a, asithu atuiteng akilakhia (Dehydrate) kibawl ahih hangin Fresh mahmahlai cihi. Avekin amansiang nadingin kha tampi hunla hi.
Hih bawngsa tawh akibawl sapuan pen "Women Who Rock: Vision, Passion, Power" Exhibition ah February 2012 dong kikoihding ci'n AP ten genkhia hi.Src : Zomidaily
No comments:
Post a Comment