U.N Chief Ban Ki-moon in ki telna ah demkik laiding

ZomiDaily :: United Nations Secretary General Ban Ki-moon in (Kum 5) Term 2 ki teelkikna ah mun a ngahnang in United Nations member te khiang ah huhna ngen a, zong ngahkik ding ki lam en mahmah cih Monday ni in Reuters News ah gen hi.
Korea Foreign Minister a sem ngei ahi Ban Ki-moon in USA te leh U.N. Security Council a thu nei pen te tung pan, pan pih na tam pi ngah ci in March kha in gen khin zo hi.

Ban i Term 1 na pen Dec 31 ni in bei ding a, a Term 2 ki teel kik ding pen nail nai lo ci hi. "U.N Secretary General a ka na sep  Term bei kuan ta ahih man, keimah in ki niam khiat tak in Term 2 ki tel kik na ah kamin nong hel lai ding ut in kong pu lak hi" cih laikhak U.N President pa Nelson Messone tung ah puak hi. Reporters ten tung ah zong a gen na ah gam 192 tung ah zong puak khin ci hi.

U.N. a Permanent Member a hi Britain, China, France, Russia le United States te ii khensatna tawh za a ki pia hi a, tu madeuh in Ban Ki-moon in hih gam a makai teng va mu in, gam tam pi in zong  thu kim pih na pia ding ci hi. Ki tel kik ding vai pen June kha bei kuan in ki panpah ding hi. France in Ban Ki-moon nung ah panpih ding cih Foreign Minister Alain Juppe in gen hi.

Src  : Zomidaily