ကျောင်းများမှ အရည်အချင်းရှိသူ ဟက်ကာများကို မြောက်ကိုရီးယားတို့ ရွေးချယ်ေ

ယခင်က ဟက်ကာ တစ်ယောက်အဖြစ် ဆောင်ရွက်ခဲ့သူနှင့် လက်ရှိ ဟက်ကာ နည်းပြ လုပ်နေသူတစ်ဦး၏ အပြောအရ မြောက်ကိုရီးယား အနေဖြင့် အိုင်တီစွမ်းအား ကောင်းသည့် နိုင်ငံများဖြစ်သည့် တောင်ကိုရီးယား တို့ကဲ့သို့ နိုင်ငံများအား ဆိုက်ဘာ တိုက်ခိုက်မှုများ ပြုလုပ်နိုင်ရန်အတွက် စွမ်းအားမြှင့် လုပ်ငန်းများ လုပ်ကိုင် လျက်ရှိကြောင်း ပြောကြားလိုက်သည်။


Kim Heung-kwang ဟုအမည်ရသူမှာ ယခင်က  မြောက်ကိုရီးယားနိုင်ငံမှ သိပ္ပံပါမောက္ခ တစ်ယောက်ဖြစ်ပြီး ပြုံးယမ်းမြို့ Kim Chaek နည်းပညာတက္ကသိုလ်မှ ဘွဲ့ရရှိခဲ့သူ တစ်ယောက်ဖြစ်ကာ data processing ဖြင့်ဘွဲ့ရခဲ့သူဖြစ်သည်။ ထို့နောက် Hamhung  ကွန်ပြူတာကောလိပ်တွင် ကျောင်းဆက်တက်ခဲ့ပြီး  ၁၉ နှစ်ကြာမျှ ဆိုက်ဘာရေးရာ ဌာနတွင် ကွန်ပြူတာ သင်တန်းဆရာ အဖြစ် Hamheung ကွန်ပြူတာနှင့် ကွန်မြူနစ်သိပ္ပံတွင် ဆောင်ရွက်ခဲ့သည်။

တစ်ချိန်တည်းမှာပင်  ၎င်းအနေဖြင့် တောင်ကိုရီးယားနိုင်ငံ၏ တီဗွီ နှင့် ဒရာမာ၊  နိုင်ငံခြားစာအုပ် နှင့်အခြား လျှို့ ဝှက် ကိစ္စရပ်များတွင် တရားမဝင် တင်သွင်းမှုများကို စောင့်ကြည့် ရသည့် အကြီးအကဲ အဖြစ်လည်း လုပ်ဆောင်ခဲ့သူ ဖြစ်သည်။ ထို့နောက် ယင်းမှ တစ်ဆင့် ၎င်း၏ မိတ်ဆွေဖြစ်သူအား တရားမဝင်ဗွီဒီယို ငှားရမ်းမှုဖြင့် ဖမ်းခံခဲ့ရသည်။

၂၀၀၃ ခုနှစ်သို့ အရောက်တွင် တရုတ်မှတစ်ဆင့် တောင်ကိုရီးယားသို့ ထွက်ပြေးနိုင်ခဲ့ပြီး ဆိုးလ်မြို့တွင် အခြေချနေထိုင်ခဲ့သူ ဖြစ်သည်။ Kim ၏အပြောအရ လွန်ခဲ့သည့်နှစ်က မြောက်ကိုရီးယား တို့အနေဖြင့် ဟက်ကာ ပေါင်းသုံးထောင်ကျော်ကို မြောက်ကိုရီးယားနှင့် အခြားနိုင်ငံများဖြစ်သည့် တရုတ်၊ရုရှားနှင့် တို့တွင် စေလွတ် လှုပ်ရှားစေခဲ့ကြောင်း ပြောသည်။ ယင်းသို့ ဟက်ကာများ ရရှိစေရန်အတွက် သာမန် မူလတန်းကျောင်းများတွင် သင်္ချာနှင့်သိပ္ပံ အမှတ်ကောင်းသူ ကလေးငယ်များကို Keumseong အလယ်တန်းနှင့် အထက်တန်းကျောင်း များသို့ ပြောင်းရွေ့စေပြီး ပညာဆက်လက် သင်စေကာ ယခုလို ရွေးချယ်စေခဲ့ကြောင်း Aljazeera သတင်းတွင် ဖော်ပြခဲ့သည်။


source: Aljazeear news/mrtv-4