ZomiDaily :: Ground Zero akicihna mun ahi New York City aom World Trade Center omngeina munah President Barack Obama ahawhdingpen zingciang (May 05, 2011) hita hi. Ihtheihsa 
mahbangin Al-Qaida te'n World Trade Center asuksiat uh September 11, 2001 pen George W. Bush ii President sepsung ahihi. Tuamah cihna in President Barack Obama inzong Ground Zero ah ahawhdingin azot hi a, ahih hangin George Bush in zuiloding ci'n nial hi. Tuabangin President Obama in azottheih pen George Bush lungdam mahmah a, ahih zongin ama ii President Term hunsung hinawnlo ahih manin zuihsawm lohi ci'n ama Spokesman David Sherzer in genkhia hi.
mahbangin Al-Qaida te'n World Trade Center asuksiat uh September 11, 2001 pen George W. Bush ii President sepsung ahihi. Tuamah cihna in President Barack Obama inzong Ground Zero ah ahawhdingin azot hi a, ahih hangin George Bush in zuiloding ci'n nial hi. Tuabangin President Obama in azottheih pen George Bush lungdam mahmah a, ahih zongin ama ii President Term hunsung hinawnlo ahih manin zuihsawm lohi ci'n ama Spokesman David Sherzer in genkhia hi.US galkap te'n Osma Bin Laden athahlup uhpen leitungah thuthang mahmahkhat hi a, Media khempeuh ahzong kihel hamtang hi. Osama Bin Laden athahlup laitak un thau, hiam bangmah tawilo (unarmed) ahih manin, hihbangin gamtatpen kilawmlo (uncivilised) hi ci'n Malaysia ah Prime Minister asemngei Tun Dr Mahathir Mohamad in genkhia hi. US galkapte amawhsak aom kawikawi hangin leitungah migilopen in akiciamteh khat abengkhiazo ahih manin pahtak huai veve hi.
Pakistan ahzong Osama Bin Laden omna muntengpen mipi leh Media te aluttheihloh nadingin khakcip uh a, tuakiimteng thautawi galkap 300 in sunlezan ciing hi ci'n Pakistan Police Official khatin genkhia hi. Tuciangciang Osama Bin Laden ii nungzuite'n bangmah ngawngtatna aneihnailoh hangin, kidop kankan omlo ahih manin ihciah ihkuanna ah kidawmin pilvang ciatni.
No comments:
Post a Comment