Chin State, Hakha khua-ah sungpai mi 58 val zato lum cih thu kiza hi.
"Zan hal nitak dong mi 58 pha in, pasal 27 numei 31 hi", ci-in Hakha zato nasem Sayamah khat in Mizzima News tung gen hi.
"Khuasunga dawn tui tebel siangtho hi, zato tuak zong mi 5 bang omta hi", ci-in sayamah nu mah in gen hi.
Hih damlo Zato kahte pen Hakha Khuasung veng tuamtuam pan hi. Kawlpi ah zong tulaitakin hih bang Sungpai natna tam mah mah hi, ci uh hi.
Tua banah Yangon Dago khua thak South lam, North leh East lam ah zong nung kha sung a ki pan in mi 135 bang sungpai natna ngah ahihman in, veng sung tengah Emergency zato neu ki hong hi, ci-in Yangon News te pan kiza hi. Tua natna tawh kisai in Yangon Dago khua thak South lam veng No.19 a om naupang khat zong sungpai tawh sikhin ta hi.
"Guah zukna hang leh khua lum luatna hangin Sungpai natna, Dengue Hemorrhagic Fever natna, Malaria natna, Catarrh natna leh Awm sung natna cih dan natna teng hong piang thei ding hi", ci-in Health Ministry in pulak hi.
Tu in zong Yangon khua sungah Guah tam mahmah cih thu kiza hi.
No comments:
Post a Comment