Zani Zingsang lam nai 10:42 in Lengpui Aiport a Vanleng, North East Shuttles (Cessna Caravan 2025) Vanleng a tu/khawl ding tangkhial hi, Runway pan Metres 28 a gamla lui guam sungah kia a, mi 3 liam in, Zato-ah kipuak hi.
"North East Shuttles (Cessna Caravan 2025) pen Imphal (Manipur) pan Lengpui (Aizawl, Mizoram) zuan a ong leeng hi a, Khua hun hoih khawllo a hih manin Airport 2 vei kimvial a,khua muh theih (visibility) KM 3.6 ding a hi lai in, KM 2 bek hi a, Vanleng hawlpa (Pilot) in visual flight rules (VFR) bang hi lo in, khawl/tu tei tei a hih man in tuah sia hi", cih Wg.Cmdr. Lalzawma, Principal Consultant, Aviation Wing in gen hi, Hih tuahsiatna pen Delhi pan in Director General Civil Aviation (DGCA) in en phot ding a hih manin Vanleng ki la khia nai lo hi.
Vanleng a khawl/tuk dinglai in a nung lam pan Huih khauh tak in nung a hih manin Runway tawp lamah Lei sik thei pan a, tua man in runway ah khawl zo lo hi, hih Vanleng tuahsia-in Instrument Landing System (ILS) a kibawl khin pian pian ta phu kha in, a khuam 4 te ki sia hi.
Hih tuahsiatna a liam Pilot Saurajit Yadav (22) pen Lengpui Zato ah ki koih a, Zomawii (60) w/o. PL Thanga leh HC Thangvungi (35), Ramhlun Venglai te a kawng uh na sa pian a hih manin Aizawl Civil Hospital-ah refer uh hi.
Lengpui Airport a kempa, Civil Aviation Asst. Director, Saidenga in, Lengpui Airport runway pen Vanleng khempeuh khawl/tuk theih na hi cih gen a, NE Shuttles (Cessna) pen June 2008 pan Mizoram ah Service ki pan hi, Nisim in Guwahati leh Imphal ah pai/leng den hi, ci hi.
Hih Vanleng kiatna mun ah Chief Minister in a sawl, Transport Minister PC Zoram Sangliana, K Liantlinga MLA, Planning Board Member Secretary PL Thanga, IGP L Hrangnawna, Aizawl SP Lalbiakthanga Khiangte, Addl SP (Security) Lalremmuana te pai pah uh a, PC Zoram Sangliana in, Vanleng tuahsia pawi a sak thu leh Mihing si leh liam nalua a om loh man in kamphat huai hi, ci hi,
NE Shuttle Tuahsia-a tuangte:
1 Saurajit Yadav (22), pilot
2 CH Haleni (25), Imphal
3 HB Hari (62), Imphal
4 A Rabindra Singh (29), SIB
5 NC Thangvungi (35), Ramhlun Venglai
6 Camillie Lalnunfeli (9), Ramhlun Venglai
7 Kimboi (20), Imphal
8 David Lalhmangaiha (32), Chaltlang
9 Zomawii (60), Chaltlang
10 S Haokip
No comments:
Post a Comment